مرحبا بابا مرحبا ماما ..
مرحبا لكل عيلتي و رفقاتهن و جيرانهن ..
أنا البيبي الجديد بهالعيلة الحلوة
هلأ اكيد مستغربين انا كيف عم أحكي و لساتني صغنون!! بس انا مالي صغير و بعرف أحكي منيح و حابب اطلب منكم طلب .. معلش لو سمحتوا تقرؤوا هاد البوست يلي كتبوا الدكتور #عبقور صديقي الصدوق من عائلة شفاء و يلي هو بمثابة رسالة مهمة باسمي و اسم كل طفل أجا عهالدنيا او لساتو عالطريق او لسا عم تفكروا تجيبوه .. عنجد اقرؤوه بقلوبكم قبل عيونكم لاني بحبكم كتير و خايف ع حالي و عليكم ..

.....
سنتكلم اليوم عن موضوع بغاية الاهمية ألا و هو ..
" التدخين السلبي و بشكل خاص عند الأطفال" .
ماذا يعني التدخين السلبي ؟؟
التدخين السلبي يعني استنشاق الدخان المنبعث من منتجات التبغ التي يستخدمها الآخرون..

ما أخطار التدخين السلبي ؟؟
أثبتت العديد من الأدلة العلمية أن دخان التبغ غير المباشر يؤدي إلى العديد من الأمراض تمامًا مثل التدخين المباشر.. بما في ذلك أمراض القلب والجهاز الدوري وسرطان الرئة وأمراض الجهاز التنفسي..
و التي تشمل : _ سرطان الرئة و الثدي و اورام المخ ..
_امراض الجهاز التنفسي باكمله و معها امراض الانف و الأذن و الحنجرة ..
_امراض القلب و جهاز الدوران .
_ اشتداد حالات الربو و الحساسية ..
_ضعف الادراك و العته و مشاكل عصبية معرفية ..
_ و عند الأجنة قد يحدث نقص في وزن المولود او ولادة مبكرة ..
_ و كذلك متلازمة الموت المفاجئ عند الرضع ..
و أيضا هو مسؤول عن الكثير من حالات العقم التي تحرم أصحابها من رؤية ابنائهم اصلا ..
_ عدا عن انهم يغرسون في عقول الاطفال الباطنة شغف تجربة السجائر بعمر مبكر و يلاحظ ذلك من وضعهم اقلام او سكاكر بافواههم كما يمسك آباءهم سجائرهم .. فهذا يعد سلوك مكتسب ..حبذا لو تعلموهم أشياء بالنظر و الممارسة أفضل و اكثر فائدة ..
.....
أمانة يا بابا و يا ماما ..
انا رئتيني كتير هشين و صغار مو ذنبي دخن من انا و صغير متلكم ..الصورة تحت بتفرجيكم اديش عم تفحم رئتي و انا لسا بهالعمر ..
اذا انتو رضيانين بالانتحار البطيء و عم تتفششو انا هالشي مو ذنبي تحطي أرجيلتك ادامي و ابي ينفخ بوشي او تاخدوني ع مطاعم فيها سحابات النيكوتين رح تمطر مطر اسود ..
رجاء لا تدخنوا ادامي و حتى لو كبرت و صرت بعمر منيح ..
و لا تدخنوا بغرفة مغلقة افتحوا الشباك او طلعوا عالبلكون مارسوا هالعادة السيئة " و لو اني مالي مسامحكن تأذوا حالكم لأني انا و انتو بحاجة كل خلية و كل ليرة عم تحرقوها لتتسلوا ..
رجاء شوية وعي منكم خلينا نكون قدوة لغيرنا و اصحاب ارادة اكتر لأني فعلا خايف عليكم و بحبكم كتير
و زكاتكم لا تصوروني و بتمي بربيش الاركيلة لانو بشتهي اكسرها بس مو طالع بإيدي و شكرا لقراءتكم رسالتي و بتمنى تشاركوا هالبوست مع كل مين عندو ولاد متلي لأنو نحنا امانة برقابكم ..
..